Dy shtetas kinezë janë arrestuar nga policia e rinasit pasi tentuan të futnin rreth 100 kg kanabis në Shqipëri.
Sipas burimeve për gazetaren Bleona Sari, në katër valixhe udhëtimi u zbuluan rreth 100 kilogramë lëndë narkotike, e cila sipas analizave paraprake, kishte përqindje të lartë të substancës aktive THC.
Ngarkesa ishte nisur nga Tajlanda, kishte kaluar në Emiratet e Bashkuara Arabe, përpara se të mbërrinte në aeroportin “Nënë Tereza”.
Sinjalizimi për ngarkesën erdhi nga autoritetet partnere ndërkombëtare, çka bëri të mundur ndërhyrjen dhe arrestimin në kohë të dy shtetasve.
Dosja i është kaluar Antidrogës së Tiranës, ndërsa hetimet vijojnë për të zbardhur destinacionin final të drogës dhe rrjetin që qëndron pas trafikut.