Përplasja e madhe është rezervuar për të mërkurën.
Gjithsesi, Champions rinis këtë të martë dhe sfida kryesore është ajo mes Leverkusenit e Paris SG.
Kampionët e Europës, që padyshim cilësohen favoritë edhe pse luajnë në Gjermani, janë përgatitur në qetësi, ndonëse situatën në kampionatin francez nuk e kanë nga më të mirat.
Shqetësime ka si Markinjos, Fabian Ruiz apo Nevesh.
Trajneri spanjoll vlerësoi rivalin e radhës, ndërsa shprehu kënaqësinë që në ekip është kthyer fituesi I Topit të Artë, Usman Dembele, që ka lënë pas dëmtimin.
Edhe Leverkuseni ka problemet e veta.
Plot shtatë lojtarë mungojnë ose janë në dyshim si Lukas Vaskez, Ezekiel Palasios, Aksel Tape, Natan Teja, Malik Tilman, Xherel Kuensah dhe Patrik Shik.
Në fushë edhe Mançester Siti.
Anglezët janë rikthyer në formë dhe pretendojnë edhe në Premier Ligë, edhe në Champions, duke qenë në vendin e dytë në vendin e tyre.
Algjeriani Marmush më në fund është në skuadër dhe mund të rikthehet nga dëmtimi, ashtu si edhe Ait Nuri, ndërsa mungon Rodri.
Siti ka me vete edhe bilancin pasi I ka fituar dy ndeshjet e mëparshme ndaj Vijarrealit.
Trajneri I “qytetarëve”, Pep Guardiola, vlerësoi shumë Vijarrealin dhe teknikun rival Marselinjo, ndonëse shprehu shpresën që rikthimi në formë ta ndihmojë ekipin të fitojë në Spanjë.
Një nga skuadrat e mëdha që luan sonte është Interi.
Italianët, dy herë nënkampionë të Europës në tre sezonet e fundit, janë në një moment shumë të mirë, duke qenë pranë kreut në Serinë A, dhe me gjashtë fitore radhazi në çdo konkurrim.
Markus Turam do të mungojë, por Boni do të jetë në fushë, ndërsa mungesa tjetër është Darmian.
Trajneri Kivu ka besim, veçse rivali nga Belgjika, Sent Zhilua, është gjithashtu në formë sepse është në krye të kampionatit.
Barcelona shpreson të rikthehet në formë në Europë, pasi po vuan shumë në La Ligën e Spanjës.
Trajneri Ter Shtegen ka shumë mungesa si Ter Shtegen, Zhoan Garsia, Gavi, Olmo dhe Levandovski, ndërsa Ferran Torres e Rafinja janë në dyshim.
Përballë katalanasve do të jetë Olimpiakosi, një rival jo I pakalueshëm, por I rrezikshëm nëse Barça nuk jep maksimumin.