Lura, kjo perlë e natyrës shqiptare po lidhet me rrugë asfaltike falë zbatimit të dy projekteve të rëndësishme që po realizohen.
Eshtë drejt përfundimit segmenti 20 kilometra Arras-Lurë dhe vazhdojnë me intensitet punimet në segmentin tjetër Perlat-Lurë, 40 kilometra.
Deputetja e Qarkut Dibër Alma Selami, Prefekti Nexhbedin Shehu dhe kryetari i Bashkisë Dibër Rahim Spahiu inspektuan sot punimet në segmentin Arras-Lurë.
Ky është një investim i rëndësishëm jo vetëm për banorët e Lurës, por edhe për vizitorët e shumtë vendas e të huaj që frekuentojnë këtë vend të mrekullueshëm.
Pas përfundimit të këtyre rrugëve Lura lidhet më shpejt me Peshkopinë dhe Mirditën.
