Ylli brazilian i futbollit, Neymar është akuzuar nga një grua në Paris për ngacmim seksual. Sipas raportit të policisë të regjistruar në Sao Paulo, gruaja ka thënë se ngjarja ka dnodhur në një hotel në qytetin ku Neymar luan për Paris St-Germain.
Nuk ka asnjë reagim nga futbollisti apo përfaqësuesit e tij lidhur me këtë rast. Neymar tashmë është në Brazil duke u trajnuar me kombëtaren për Copa America.
Për çfarë akuzohet?
Sipas dokumenteve të policisë, gruaja ka rrëfyer se e ka njohur Neymar në Instagram dhe ai i ka kërkuar të takohen në Paris. Ai i kishte siguruar një biletë avioni nga Brazili për në Frfancë dhe një rezervim në një nga hotelet më të shtrenjta të Parisit. Kur Neymar erdhi në hotel, më 15 maj, ishte ‘mesa dukej i dehur”, ka thënë ajo.Oas një bisede dhe bezdisjeve, “në një moment, Neymar u bë agresiv, dhe përmes dhunës kreu marrëdhënie seksuale kundër dëshirës së viktimës”, thotë policia në dokumente.
Gruaja ishte kthyer dy ditë më pas në Brazil, pa e raportuar këtë rast në policinë franceze, pasi ishte e shokuar “emocionalisht dhe e frikësuar të regjistronte faktet në një shtet tjetër”, thuhet ndër të tjera në dokumente.