Ngritja e një komisioni hetimor për verifikimin e ligjshmërisë së veprimeve të zyrtarëve shqiptarë në raport me ish-agjentin special të FBI-së, Charles McGonigal, është duke u diskutuar në Parlament.
Gjatë fjalës së tij, deputeti i PS-së Bledi Çuçi ka deklaruar se nuk mund të ngrihet, pasi sipas tij Kuvendi i Shqipërisë nuk ka juridiksion për të hetuar procese penale të mbyllura nga drejtësia amerikane.
Çuçi tha tha se për McGonigal, çështja është hetuar dhe gjykuar në SHBA.
“Nuk ka asnjë akuzë ndaj asnjë zyrtari shqiptar. Çfarë ka kërkesa? Kërkesa ka ish-agjentin e FBI-së, dy zyrtarë të supozuar në afera për të favorizuar McGonigal, dhe kryeministrin Edi Rama. Le ti marrim me radhë, për të treguar se nuk ka një çështje. E para, Kuvendi nuk ka kompetencë në lidhje me shtetasin McGonigal. Kushtetuta përcakton saktë që Komisionet Parlamentare janë instrumente të kontrollit parlamentar mbi kontrolle ndaj institucioneve shqiptare brenda territorit të Republikës së Shqipërisë. Në rastin konkret, cështja McGonigal është hetuar dhe gjykuar në SHBA.
Ish-agjenti është dënuar nga një gjykatë federale amerikane për veprimet e kryera në shkelje të ligjeve të SHBA dhe jo të Shqipërisë. Në asnjë dokument zyrtar, të hetimeve amerikane, nuk ekziston asnjë akuzë ndaj ndonjë zyrtari shqiptar. Prandaj Kuvendi i Shqipërisë nuk ka asnjë kompetencë ligjore dhe as juridiksion për të hetuar një proces penal të mbyllur tashmë nga drejtësia amerikane. Kuvendi nuk mund të kthehet në një tribunal që rishikon vendimet gjyqësore të huaja apo që heton veprimet e një shteti të huaj në juridiksionin e një shteti tjetër. Një veprim i tillë do të krijonte një precedentë të rrezikshëm Kushtetutës dhe do të cenonte themelet e shtetit. Le të shohim shkeljet e supozuara të zyrtarëve shqiptar që gjoja kanë favorizuar McGonigal. Po i marr me radhë.
Në kërkesë citohet: McGonigal kërkoi që të kihen në kujdes kompanitë ruse. Këtu është një lloj autogoli, sepse ai e paska thënë vetë që ai paska dhënë një këshillë të drejtë që pasuritë kombëtare mos bien në duart e biznesmenëve rus. Nëse ka një ndryshim mes qeverisë Berisha dhe Rama, sa i pëket vendburimeve të naftës, ka të bëjë me mënyrën sesi janë dhënë ato, me procedurë të hapur ndërkombëtare.
Nga mbrojtja kombëtare nga çdo influencë e huaj, qeveria Rana qysh në vitin 2016, pa hyrë në skemë akoma McGonigal, ka miratuar ndryshime në ligjin për hidrakarbure. Për shkak të sigurisë kombëtare, Ministria mund të refuzojë apo ndryshimet”, tha Çuçi.