Socialistët e Matit po zhvillojnë fushatën elektorale në funksion të zgjedhjeve të pjesëshme të 9 Nëntorit 2025. Megjithëse fushata zyrtare është e shkurtër dhe numri i aktiviteteve të planifikuara është i madh ato do të respektojnë Ditën e Zisë Kombëtare, duke anulluar të gjitha takimet e planifikuara për ditën e dielë, më 2 Nëntor 2025.
Dega lokale e PS Mat ka njoftuar anëtarët dhe mbështetësit se takimet do organizohen nga e hëna deri të premten, datë 7 Nëntor 2025.
Njoftimi i socialistëve të Matit:
“Në respekt të Ditës së Zisë Kombëtare shpallur për datën 2 nëntor 2025, pas ndarjes nga jeta të liderit historik të Partisë Socialiste, z. Fatos Nano, njoftojmë se të gjitha aktivitetet dhe takimet politike të planifikuara për ditën e dielë, 2 nëntor, do të anulohen. Ky vendim merret në shenjë respekti dhe nderimi për kontributin e jashtëzakonshëm të z. Nano në jetën politike e shoqërore të vendit, si dhe për të reflektuar momentin e dhimbjes kombëtare që po përjeton gjithë Shqipëria. Aktivitetet e kësaj dite do të planifikohen në vijim”.
