Prokuroria e Vlorës ka kërkuar arrest në burg për avokatin D.M., i dyshuar për mashtrim me pasoja të rënda, falsifikim dokumentesh dhe pastrim parash.
Hetimet nisën pas kallëzimit të bërë më 24 nëntor 2024 nga dy persona, S.S. dhe B.E
Sipas prokurorisë, D.M. ka përvetësuar rreth 19.2 milionë lekë nga dy viktima, duke përdorur mashtrimin dhe duke shpërdoruar besimin e tyre. Një pjesë e parave, 2 milionë lekë, u kalua në llogarinë e një personi tjetër me përshkrimin “këst për blerje apartamenti”.
Kjo ka ngritur dyshime se D.M. ka kryer edhe veprën penale të pastrimit të produkteve të veprës penale.
Më 4 nëntor 2025, Prokuroria e Vlorës i kërkoi gjykatës masën “arrest në burg” për D.M. Por Gjykata e Vlorës, vendosi arrest në shtëpi.