Kryetari i Partisë Demokratike, Sali Berisha, ka vijuar me akuzat ndaj qeverisë duke u shprehur se banda që vrau Gilmando Danin dhe plagosi një tjetër ishte e lidhur me të.
Sipas tij, kjo tregon shkallën e pasigurisë në vend
“Banda që ekzekutoi Gilmando Danin dhe plagosi rëndë Mustafa Sheqerin kontrollonte aeroportin e Rinasit në çdo skaj në rrafshin e sigurisë së tij”.
“Pra banda nuk zgjodhi një rrugë diku larg, nuk zgjodhi një rrugicë të ndërtonte pritën sepse kishte në kontroll të plotë aeroportin. Kjo është dëshmi tjetër flagrante e narkoshtetit, të Ramaduros apo Noriegës së Europës. Kjo është dëshmi e lidhjeve të krimeve dhe bandave në nivelet më të larta të qeverisë”, tha Berisha.