Burime informacioni bëjnë me dije se grupi i goditur që dyshohet se vendosi tritol te biznesi në Kamëz një ditë më parë, janë të përfshirë në gjobëvënie. Jeton Lami, një prej të arrestuarve është ish-efektivi i arrestuar më përpara si shoqërues i Ervis Martinajt.
Burimet shtojnë se dhe dy kunetërit, Klodjan Murati dhe Benard Elezi, të cilëve iu vendos tritoli ka dyshime se kanë qenë pjesë e grupit të gjobëvënies.
Të njëjtat burime pohojnë se ka dyshime se mes tyre mund të ketë patur përplasje, ndaj të arrestuarit i kanë vendosur lëndën shpërthyese në biznesin e tyre si formë gjobëvënie prej 500 mijë eurosh.
Jeton Lami së bashku me personat e tjerë, e kishin paralajmëruar Saimir Sinën se nëse nuk largonte ata nga lokali do të duhet tu jepte atyre gjobën prej 500 mijë eurosh.