Ministrja e Shëndetësisë dhe Mirëqenies Sociale, Evis Sala zhvilloi këtë të premte një vizitë në spitalin e Kurbinit. Gjatë takimit me personelin shëndetësor të këtij spitali, Sala u shpreh se po forcohet shërbimi shëndetësor, me investime që rrisin cilësinë e kujdesit për çdo familje.
Sala theksoi rëndësinë e menaxhimit të mirë të shërbimeve që pacientët të marrin kujdes të shpejtë dhe profesional, kudo në Shqipëri. ”Shëndetësia mbetet një nga sektorët prioritarë të qeverisë, ndërsa buxheti i vitit 2026 ka një rritje me 4.3 miliardë lekë krahasuar me vitin 2025.
Gjatë dekadës së fundit, qeveria ka bërë investime të konsiderueshme në përmirësimin e infrastrukturës shëndetësore, trajnimin e stafit, zgjerimin e skemës së sigurimit shëndetësor, përmirësimin e shërbimeve të specializuara, dhe rritjen e pagave”.