Shqipëria e futbollit ia doli të mbajë gjallë “ëndrrën amerikane” për Botërorin 2026, që do zhvillohet nga 11 qershori deri më 19 korrikun e vitit që vjen në SHBA, Kanada dhe Meksikë.
Për të merituar një vend në fazën finale, djemtë e Sylvinhos duhet të fitojnë dy takime. Më 26 mars 2026 Shqipëria luan kundër Polonisë në Varshavë për gjysmëfinalet play-off, kështu vendosën goglat. Nëse tanët dalin triumfues nga ndeshja teke, atëherë pesë ditë më vonë, duhet të përballen kundër fituesit të çiftit Ukrainë-Suedi, po në udhëtim.
Sipas një përllogaritjeje të “Football Data”, faqes së specializuar për statistika, Shqipëria ka vetëm 12 përqind shanse që të shkojë në finalet e Kupës së Botës, më pak se çdo ekip që ka për të kaluar rrugës.
Për gjysmëfinalen play-off, tanët kanë 32 përqind shense që të kalojnë Poloninë, kundrejt 68 përqind të polakëve. Sa i takon fazës finale, “Football Data” ka lënë një marzh gabimi prej 1 përqind.
Sigurisht që futbolli luhet në fushë dhe asnjëherë nuk i dihet, por statistikat janë të rëndësishme.
