Ministri Vengu: 1500 hektarë tokë të përmbytura në mbarë vendin, 200 familje janë evakuuan nga banesat

Nga Saranda, ministri i Mbrojtjes Pirro Vengu tha se 1500 hektarë tokë janë nën ujë në mbarë vendin, për shkak të reshjeve intensive të shiut gjatë ditëve të fundit. Saranda është po ashtu një prej bashkive më të dëmtuara nga moti i keq, me 500 hektarë sipërfaqe nën ujë. Ministri bëri me dije se në mbarë vendin rreth 200 familje u evakuuan nga banesat e tyre për shkak të përmbytjeve, nga të cilët 150 janë rikthyer në shtëpitë përkatëse, ndërsa pjesa tjetër është strehuar në konvikte.