Zëdhënësi i Kremlinit, Dmitry Peskov, tha se dorëheqja e kreut të administratës presidenciale të Ukrainës e ka çuar vendin në një “krizë të thellë politike”.
“Ngjarjet që po ndodhin në Kiev pasqyrojnë një krizë të thellë politike, të shkaktuar nga skandalet e korrupsionit”, tha ai në deklaratat e transmetuara nga agjencia e lajmeve TASS.
Peskov shtoi se “nuk mendoj se dikush duhet t’i përgjigjet pyetjes se ku do të çojë kjo në fund të fundit tani”.
Andriy Yermak, një aleat i ngushtë i Presidentit ukrainas Volodymyr Zelensky dhe kreu i ekipit negociator ukrainas në bisedimet e paqes të mbështetura nga SHBA-të, dha dorëheqjen disa orë pasi shtëpia e tij u kontrollua në lidhje me një skandal energjetik.