Një grup i vogël demokratësh ju bashkuan sot Sali Berishës përpara kryeministrisë, në protestën e tyre të tretë kundër qeverisë. PD kishte veshur Ballukun me rroba burgu, ndërsa lideri demokrat tha se me presionin ndaj Gjykatës Kushtetuese, Edi Rama po vetëprovohet si hajduti kryesor i Tunelit të Llogarasë.
Kreu i grupit parlamentar të Partisë Socialiste, Taulant Balla, ka publikuar sërish foto nga pjesëmarrja e ulët në protestën e Partisë Demokratike, para kryeministrisë. Në protestën e tretë të Sali Berishës, duket qartë se ishin më pak të pranishëm se në protestën e 17 nëntorit dhe atë të 24 nëntorit.
“Sot kishte edhe më pak krushq, ndërsa syresh kishin konsumuar lëndë 🍻 kimike në ndonjë dasëm mbrëmë😂 aq sa njëri shpalli armiq edhe aleatët tanë amerikanë. I bëj thirrje Tritan Shehut të distancohet!”, shkruan Balla.
Po ashtu, në seksionin e komenteve të këtij postimi, Balla ka postuar një fotomontazh, ku duket se ekzaktësisht në vendin ku Berisha mban tubimet e tij, po zhvillohet një seancë joga.
