Një person është dhunuar mbrëmjen e së martës në Lezhë. Ngjarja ka ndodhur në afërsi të një pike karburanti, në aksin rrugor Lezhë-Rrilë, ku Petrit Pepkola është nxjerrë me forcë nga automjeti me të cilin udhëtonte dhe më pas është goditur me shkop bejsbolli, duke marrë lëndime të rënda.
I plagosuri është transportuar fillimisht në urgjencën e spitalit të Lezhës, ku ka marrë ndihmën e parë, ndërsa më pas është dërguar drejt Spitalit të Traumës në Tiranë për trajtim të specializuar, për shkak të gjendjes së tij të rënduar.
Para bluve, Petrit Pepkola ka deklaruar se nuk i ka njohur dhunuesit. Media mëson se vetë ai nuk është person i skeduar nga policia. Policia ka nisur hetimet për identifikimin dhe kapjen e autorëve të ngjarjes, ndërsa po punon për sqarimin e rrethanave dhe motiveve që çuan në dhunimin e shtetasit. Blutë kanë nisur këqyrjen e kamerave të sigurisë së bizneseve në zonën ku ka ndodhur ngjarja për të zbuluar drejtimin nga ku janë larguar dhunuesit.