Një trend i ri në rritje po dominon tregun. Preferohet të blihen makina gjithnjë e më të gjera, më të gjata dhe më të rënda.
SUV-et dhe modelet e mjeteve të mëdha janë tashmë zgjedhja kryesore e shumë shoferëve në Britani dhe në Europë. Disa qytete po reagojnë, duke vendosur kufizime dhe tarifa të reja për këto mjete voluminoze.
Parisi rriti trefish tarifat e parkimit për automjetet e rënda, duke e çuar në 18 euro për një orë në qendër. Sipas autoriteteve, numri i makinave shumë të mëdha, që parkojnë në rrugë ra me dy të tretat.
Pas shembullit francez, edhe Cardiff po vendos tarifa më të larta për mjetet mbi 2,400 kg. Autoritetet theksojnë se mjetet e mëdha ndotin më shumë, dëmtojnë rrugët dhe rrisin rrezikun për aksidente. Megjithatë, shumë familje theksojnë se makinat SUV u duhen për hapësirë dhe prakticitet.
Prodhuesve u leverdis, sepse fitimet nga modelet e mëdha janë dukshëm më të larta. Ekspertët paralajmërojnë se lartësia dhe pesha e këtyre makinave i bëjnë më të rrezikshme për këmbësorët dhe çiklistët. Edhe ndikimi mjedisor mbetet problematik, pasi SUV-et emetojnë më shumë se makinat e vogla.
Franca zbaton taksa të rënda për makinat që peshojnë mbi 1,600 kg, që mund të shkojnë deri në 70,000 euro. Aktivistët kërkojnë që masa të ngjashme të aplikohen edhe në Mbretërinë e Bashkuar.
Për momentin, pavarësisht kritikave, SUV-et vazhdojnë të dominojnë tregun evropian./BBC
