Në kërkim prej 26 vitesh për vrasjen e 3 kushërinjve, është arrestuar në Itali 49-vjeçari Bardh Lula, i njohur ndryshe edhe si Luli.
49-vjeçari i shpallur në kërkim, ishte në listën e 33 personave më të kërkuar nga Policia në qarkun e Lezhës, pasi në vitin 1993 Bardh Lula ka vrarë tre persona me armë zjarri, tre kushërinj në Torovicë të Lezhës.
Konflikti mes ‘Lulit’ dhe tre kushërinjve kishte nisur për pronat dhe përfundoi në një masakër të vërtetë.
Në vitin 1996 Gjykata e Lezhës e dënoi në mungesë me burgim të përjetshëm, ndërkohë pas arrestimit Lula do të ekstradohet në Shqipëri.
Lula kishte jetuar në Itali me identitet të ndryshuar me emër të një shtetasi boshnjak.
Në vitin 1993 pas konfliktit për pronën të vrarë mbetën tre kushërinjtë Nikoll Luka, Mark Luka dhe Pal Luka, të cilët iu bë pritë nga Lula tek “Kroi i Denicës”.
