Presidenti i SHBA-së, Donald Trump, deklaroi të martën se ka zhvilluar biseda telefonike me presidentin e Kazakistanit, Kassym-Jomart Tokayev.
Sipas Ruters ai tha se ka folur gjithashtu edhe me presidentin e Uzbekistanit, Shavkat Mirziyoyev, duke i ftuar të dy liderët të marrin pjesë në Samitin e G20-s që do të mbahet vitin e ardhshëm në Miami, Florida.
Përmes një postimi në rrjetin social Truth Social, Trump tha se gjatë bisedave u diskutua rëndësia e sjelljes së paqes në konfliktet në vazhdim, si dhe forcimi i tregtisë dhe bashkëpunimit mes vendeve.
“Shtetet e Bashkuara do të presin Samitin e G20-s vitin e ardhshëm dhe do t’u dërgojmë ftesa të dy këtyre liderëve për t’iu bashkuar si të ftuar”, shkroi Trump.
Ai theksoi se dialogu dhe bashkëpunimi ndërkombëtar mbeten kyçe për stabilitetin global dhe zhvillimin ekonomik.