Departamenti i Drejtësisë i SHBA-ve njoftoi sot se përfundimi i publikimit të të gjithë dokumenteve lidhur me Jeffrey Epstein mund të marrë edhe disa javë shtesë, duke shtyrë më tej afatin e caktuar nga Kongresi më 19 dhjetor.
Sipas Departamentit, Prokuroria për Distriktin Jugor të Nju Jorkut, së bashku me FBI-në, ka zbuluar mbi 1 milion dokumente shtesë që mund të jenë të rëndësishme për hetimin e çështjes Epstein.
Autoritetet nuk kanë dhënë detaje se kur janë njoftuar për këto dokumente të reja, por kanë theksuar se avokatët po punojnë 24 orë në 24 për të shqyrtuar materialin dhe për të bërë rishikimet e kërkuara nga ligji, i miratuar pothuajse njëzëri nga Kongresi muajin e kaluar.
“Do të publikojmë dokumentet sa më shpejt të jetë e mundur”, tha Departamenti i Drejtësisë, duke shtuar se për shkak të volumit të jashtëzakonshëm të materialit, ky proces mund të zgjasë disa javë shtesë.