Udhëheqësit e të ashtuquajturit Koalicion i të Vullnetshmëve u takuan në Paris për të diskutuar garancitë e sigurisë për Ukrainën.
Në përfundim të këtyre bisedimeve, gjatë një konference, dhëndri i Donald Trump Jared Kushner e cilësoi si një moment mjaft të rëndësishëm takimin, pasi shihet si një hap përpara drejt një paqeje të mundshme për Ukrainën.
“Mendoj se sot ishte një moment shumë, shumë i rëndësishëm dhe e falënderoj Presidentin Macron për mbledhjen e kësaj dhe për të gjithë punën që të gjithë këtu kanë bërë prapa skenave për ta sjellë këtë së bashku.
Kjo nuk do të thotë se do të bëjmë paqe, por paqja nuk do të ishte e mundur pa përparimin që u bë këtu sot. Nëse Ukraina do të arrijë një marrëveshje përfundimtare, ajo duhet të dijë se pas një marrëveshjeje është e sigurt, ka, padyshim, një mbrojtje të fuqishme dhe ka pengesa të vërteta për t’u siguruar që kjo nuk do të ndodhë përsëri”, deklaroi Kushner.