Kryeministri Edi Rama reagoi serish ndaj lajmeve mediatike lidhur me ftesën e presidentit amerikan Donald Trump për Bordin e Paqes në Gaza.
Rama i quajti “gënjeshtra” raportimet se Shqipëria nuk është ftuar, se do të paguajë 1 miliard euro apo se palestinezët do të vijnë në vend. Ai theksoi se pjesëmarrja e Shqipërisë është një nder ndërkombëtar dhe dëshmi e respektit që vendi gëzon globalisht.
“Këto janë tenxhere politike e mediatike që vetëm lehin, ndërsa karvani i Shqipërisë së re ecën përpara,” shkroi Rama, duke theksuar se prioriteti i tij mbetet besimi i shqiptarëve dhe respekti ndërkombëtar.
