Blendi Gonxhja, Ministër i Turizmit, Kulturës dhe Sportit ka dalë në një konferencë për mediat, ku ka folur mbi vizionin për vitin 2026 dhe ekosistemin e ri të bashkëpunimit mes turizmit, kulturës dhe sportit, si shtylla të zhvillimit të qëndrueshëm të vendit.
“Presim rritje të cilësisë së shërbimeve”, u shpreh Gonxhja.
“Ndërkombëtarizimi i ofertës dhe potencialeve të Shqipërisë. Duhet të rrisim praninë në tregjet kombëtare përmes pjesëmarrjes në panairet ndërkombëtare. Po ashtu, një pozicionim global i Shqipërisë në zgjerim të tregjeve mund të bëhet përmes lobimit dhe promovimit në tregje me potencial më të lartë shpenzimi dhe qarkullimi, ku theksojmë SHBA-të, Kanadanë, Katarin, Australinë, Lindjen e Mesme, Izraelin, Arabinë Saudite, etj., duke promovuar kulturën, natyrën dhe eksperiencat autentike.
Rritja e cilësisë së shërbimit turistik. Zhvillimi i kapaciteteve njerëzore është një aspekt i rëndësishëm. Po fillojmë punën në Akademinë Ndërkombëtare të Turizmit dhe Mikpritjes. Në takimet që pata me sekretaren e re të përgjithshme në Madrid, vumë bazat për grupin e ri të punës dhe nisjen e aktiviteteve për këtë akademi. Do të ketë trajnime të vazhdueshme për stafin, certifikime dhe përshtatje të kurrikulave profesionale”.