Dy persona janë arrestuar në Serbi nën dyshimin se kishin planifikuar një sulm ndaj presidentit Aleksandër Vuçiç dhe familjarëve të tij. Gjykata urdhëroi që dy të arrestuarit të mbahen në paraburgim për 30 ditë.
Dyshohet se ata kanë organizuar sigurimin e armëve dhe një sulm ndaj Vuçiç, familjarëve të tij, si dhe ndaj anëtarëve të Ministrisë së Brendshme.
“Ata dyshohet se kanë organizuar një ndryshim të dhunshëm të rendit kushtetues të Republikës së Serbisë dhe përmbysjen e autoriteteve më të larta shtetërore në periudhën nga dhjetori 2025 deri në shkurt 2026, duke organizuar furnizimin me armë dhe një sulm ndaj jetës dhe trupit të Presidentit të Republikës së Serbisë, Aleksandar Vuçiç, gruas dhe fëmijëve të tij, në një mënyrë të tillë që t’i privonte nga jeta, si dhe një sulm ndaj anëtarëve të Ministrisë së Punëve të Brendshme të Republikës së Serbisë, në një mënyrë të tillë që anëtarët e Ministrisë së Punëve të Brendshme të shkaktonin lëndime trupore”, tha ministrja e Brendshme në një deklaratë.