Kryetari i grupit parlamentar të Partisë Socialiste dhe bashkëkryetari i Komitetit Parlamentar të Stabilizim-Asociimit BE–Shqipëri (SAPC), Taulant Balla zhvilloi një takim në Bruksel me Marco Tarquinio, bashkëkryetar i Komitetit Parlamentar të Stabilizim-Asociimit BE–Shqipëri.
Në fokus të këtij takimi ishte ecuria e procesit të negociatave dhe thellimi i bashkëpunimit institucional.
“Ambicia e Qeverisë dhe e Kuvendit është të përmbyllim negociatat teknike brenda 21 muajve të ardhshëm, duke iu referuar edhe progresit të arritur me hapjen e të gjithë grup-kapitujve në vetëm 13 muaj. KPSA është mekanizëm kyç për dialog transparent, llogaridhënie dhe bashkëpunim mes Parlamentit Europian dhe Kuvendit të Shqipërisë”, u shpreh Balla.
Gjatë takimit, dy bashkëkryetarët ranë dakord që mbledhja e radhës e KPSA-së të zhvillohet në muajin korrik në Strasburg, ndërsa sesioni pasues të mbahet në shtator në Tiranë, në funksion të forcimit të mëtejshëm të dialogut institucional dhe bashkëpunimit parlamentar BE–Shqipëri.