Bes Kallaku, që prej momentit kur ndau me ndjekësit lajmin se ka nisur një lidhje të re pas ndarjes nga Xhensila Myrtezaj, nuk ka reshtur së bërë dedikime publike për partneren e tij.
Së fundmi, aktori ka publikuar në InstaStory një foto ku shfaqen duart e tij të kapura me ato të të dashurës, Ejonës. Krahas imazhit, ai ka shkruar: “Trendafil në kohë lufte. Paqja e shpirtit tim.”
Fraza “Trendafil në kohë lufte” ka një domethënie të veçantë për Besin, pasi ai e ka bërë tatuazh në krahun e tij. Tatuazhi, të cilin e zbuloi pak kohë më parë, shoqërohet edhe me një datë që duket se ka një rëndësi të veçantë për të dhe partneren e tij të re.
Aktori dhe këngëtari Bes Kallaku ka publikuar së fundmi një këngë të re, e cila po shihet me shumë si një “thumbim” për ish-bashkëshorten e tij Xhensila Myrtezajin, se sa një krijim artistik.
