Durrësi hyn në sezonin turistik 2026 me kërkesë të shtuar dhe rezervime të hershme, duke krijuar pritshmëri për një sezon të suksesshëm. Operatorët turistikë raportojnë rritje të interesit nga tregjet e huaja dhe shprehen optimistë për ecurinë në vijim. Sipas tyre, grupet e para të organizuara pritet të mbërrijnë që në pranverë, duke sinjalizuar një nisje më të hershme dhe një fluks më të qëndrueshëm vizitorësh.
Të dhënat paraprake të rezervimeve tregojnë gjithashtu një zgjerim të hartës së tregjeve turistike për Shqipërinë, me vizitorë që vijnë nga vende të reja krahas atyre tradicionale.
Nga ana tjetër, specialistët e fushës vlerësojnë se Durrësi mbetet një nga destinacionet më të preferuara falë kombinimit të vijës bregdetare, trashëgimisë kulturore dhe ofertës në rritje të shërbimeve.
Sipas Kërtushës, pritshmëritë për sezonin 2026 janë për një rritje të mëtejshme të numrit të turistëve, duke konsoliduar pozicionin e qytetit në hartën e qyteteve më të frekuentuara në vend.
Me prenotime të hershme dhe interes të shtuar nga tregjet ndërkombëtare, sezoni turistik 2026 pritet të vijojë trendin pozitiv të viteve të fundit, duke i dhënë një tjetër shtysë zhvillimit të turizmit në Durrës./Klan News