Vetëm pak ditë pas nisjes së konfliktit në lindjen e mesme çmimet e naftës kanë prekur nivele rekord gjatë së hënës. Nafta bruto pësoi një shtrenjtim me gati 8% dhe një fuçi naftë u tregtua me rreth 80 dollarë gjatë së hënës çmimi më i lartë në 14 muaj
Por disa analistë kanë paralajmëruar se mund të kalojë 100 dollarë në rast të një konflikti të zgjatur. Një tjetër shkak i shtrenjtimit të naftës është edhe sulmet në ngushticën e Hormuzit ku qarkullon një pjesë e konsdiuershme e tregtisë globale.
Çmimet globale të naftës janë rritur pasi të paktën tre anije u sulmuan pranë Ngushticës së Hormuzit, ndërsa Irani vazhdon me sulme në të gjithë Lindjen e Mesme në përgjigje të sulmeve të vazhdueshme nga SHBA-të dhe Izraeli.
Irani ka paralajmëruar anijet të mos kalojnë nëpër ngushticën, e cila transporton rreth 20% të naftës dhe gazit në botë.
Transporti ndërkombëtar detar pothuajse ka ndaluar në hyrje të ngushticës, me analistët që paralajmërojnë se një konflikt i zgjatur mund t’i rrisë çmimet e energjisë edhe më shumë.
Të dielën, grupi i vendeve prodhuese të naftës Opec+ ra dakord të rrisë prodhimin e tyre me 206,000 fuçi në ditë për të ndihmuar në zbutjen e çdo rritjeje të çmimeve, por disa ekspertë dyshojnë se kjo do të ndihmojë shumë.
Ekonomitë aziatike po vlerësojnë disponueshmërinë e rezervave të naftës dhe mënyrat për të siguruar furnizim alternativ. Koreja e Jugut do t’u ofrojë naftë nga rezervat e saj industrive lokale nëse ndërprerjet e furnizimit zgjasin, ndërsa India po eksploron rrugë alternative të transportit detar.