Ministri i Punëve të Jashtme, Ferit Hoxha, ka takuar këtë të shtunë ambasadorin Silvio Gonzato. Përmes një postimi në rrjetet sociale, krahas fotove nga zyra e tij, shkruan se u diskutua mbi marrëdhëniet gjithnjë e më të forta mes Shqipërisë dhe Bashkimit Europian.
Thekson vizitën e parë që do ketë jashtë vendit, në cilësinë e ministrit tanimë.
“Kur bëhet fjalë për çështjet europiane dhe bashkëpunimin me partnerët europianë, nuk ka fundjava, vetëm ditë.
Nuk kishte mënyrë më të mirë për të kaluar një mëngjes të shtune sesa takimi me Ambasadorin Gonzato për të diskutuar zhvillimet e fundit në marrëdhënien tonë gjithnjë e më të afërt dhe më të fortë, duke përfshirë përgatitjet për vizitën time të parë zyrtare jashtë vendit në cilësinë aktuale të Ministrit të Jashtëm.
Nuk ka nevojë të hamendësosh destinacionin.
Për Shqipërinë, të gjitha rrugët të çojnë në Bruksel, në Bashkimin Europian”, shkruan Hoxha.