Mbretëria e Bashkuar do të lejojë SHBA-në që të përdorë bazat e saj ushtarake për të nisur sulme ndaj pozicioneve iraniane që synojnë Ngushticën e Hormuzit.
Londra zyrtare më parë kishte lejuar forcat amerikane të përdorin bazat britanike për operacione për të parandaluar që Irani të qëllonte raketa që vinin në rrezik interesat ose jetët britanike.
Por ministrat ranë dakord gjatë një takimi të sotëm se përdorimi i bazave britanike nga SHBA-të tani mund të zgjerohet për të përfshirë mbrojtjen e anijeve në Ngushticën e Hormuzit.
Londra zyrtare ka deklaruar se Mbretëria e Bashkuar nuk do të përfshihet drejtpërdrejt në luftë dhe Doëning Street thotë se “parimet pas qasjes së Mbretërisë së Bashkuar ndaj konfliktit mbeten të njëjta”.
Një zëdhënës i Downing Street tha se ministrat ranë dakord sot që bazat tani mund të përdoren për “operacione mbrojtëse amerikane” për të synuar “aftësitë që përdoren për të sulmuar anijet në Ngushticën e Hormuzit”.
Ai shtoi se “ministrat nënvizuan nevojën për një ulje urgjente të tensioneve dhe një zgjidhje të shpejtë të luftës”.