Kryeministri i Maqedonisë së Veriut, Zoran Zaev ka thënë në një deklaratë për mediat në Bruksel, se shtyrja e vendimit në parlamentin gjerman dhe datës për fillim të negociatave rrezikon përforcimin e fuqive nacionaliste dhe humbjen e shumicës në Kuvend.
Edhe procesi i reformimit të qeverisë sipas kryeministrit maqedonas, varet nga vendimi për datën e negociatave.
“Nëse vendosin të mos na japin datë, do të ketë mundësi të bie qeveria. Kjo qeveri me të gjitha këto vendime pozitive, ka gjasa menjëherë ta humbë shumicën në Kuvend. Kjo për shkak se deputetëve u premtuam se sigurisht do të marrin vendim pozitiv nga BE-ja nëse ecim përpara. Ajo do të thotë se qytetarët do të inkurajohen të mbështesin nacionalizimin, radikalizmin dhe ajo nuk është në të mirë as të vendit tonë e as rajonit. Ato janë opsionet dhe ne frikësohemi nga ai variant”-tha Zoran Zaev.