Një ish infermier në Gjermani u dënua për vrasjen e 85 pacientëve në dy spitale në veri të vendit duke marrë një dënim përjetë.
Gjykatësi Sebastian Buehrmann e përshkroi si “të pakuptueshëm” arsyen e vrasjes nga Niels Hogel. Aktualisht Hogel ka marrë dënim përjetë për dy vrasje të tjera, ku ka administruat doza vdekjeprurëse të ilaçeve të zemrës tek personat nën kujdesin e tij mes viteve 1999-2005. Ai është quajtur si personi me më shumë vrasje mbi supe në historinë e Gjermanisë moderne.
Prokurorët thanë se ai i “sulmonte” pacientët që tu bënte përshtypje kolegëve dhe më pas përpiqej ti sillte në jetë ata. Një ish koleg i tij tha për gazetën gjermane “Bild” se Hogel quhej edhe “Ringjallësi Rambo” për mënyrën se si ai dilte para të gjithëve për të shëptuar pacientët. Në ditën e fundit të gjyqit ish infermieri 42-vjeçar u kërkoi falje familjarëve të të gjithë viktiamve të tij “për aktin e tmerrshëm”.
Hogel ishte akuzuar për vrasjen e 100 pacientëve në qytetet e Delmenhorst dhe Oldenburg. Policia beson se ai mund të ketë kryer edhe më shumë vrasje por djegia e trupave kishte shkatëruar çdo provë të mundshme.
Gazetarja e BBC-së në Berlin raporton se ngjarja shokoi të gjithë Gjermaninë dhe për faktin se drejtuesit e spitaleve kishin bërë një sy qorr për numrin e lartë të vdekjeve.