Qiproja po synon të kufizojë aksesin në rrjetet sociale për fëmijët nën moshën 15 vjeç duke ndjekur shembullin e vendosur së fundmi nga Greqia.
Presidenti Nikos Christodoulides njoftoi sot në “Facebook” se një kufi moshe prej 15 vjeç duhet të zbatohet për përdorimin e rrjeteve sociale duke theksuar se mbrojtja e fëmijëve në mjedisin digjital është një prioritet i qeverisë.
Rregullorja pritet të hyjë në fuqi më vonë gjatë këtij viti, megjithëse Christodoulides nuk dha detaje të mëtejshme. Kryeministri grek Kyriakos Mitsotakis ka shpallur një ligj të ngjashëm në fillim të prillit.
Nga 1 janari 2027, fëmijët nën 15 vjeç nuk do të lejohen të përdorin platformat e rrjeteve sociale në Greqi. Mitsotakis e cilësoi këtë masë si një hap të domosdoshëm për të mbrojtur të rinjtë nga efektet negative dhe struktura e varësisë e rrjeteve sociale.
Të dy vendet po planifikojnë rregullime ligjore që përfshijnë verifikimin e moshës, sanksione për shkeljet dhe përgjegjësi më të madhe për platformat.
Ndërkohë, presidentja e Komisionit Evropian Ursula von der Leyen ka promovuar një aplikacion të BE-së për verifikimin digjital të moshës, si pjesë e debatit për mbrojtjen e fëmijëve dhe të rinjve në internet.