A e dinit që matematika arrin të parashikojë nëse një aktor është i destinuar të ketë sukses apo jo? Epo kjo është e mundur falë inteligjencës artificiale dhe analizës së të dhënave relative të karrierës së një milionë e gjysmë aktorëve dhe 900 mijë aktoreve në të gjithë botën, që nga lindja e kinemasë e deri në vitin 2016 që janë në arkivën e të dhënave botërore të filmit në Internet Movie Database (IMDb).
Kjo bëhet e ditur në një studim të publikuar në revistën Nature Communications nga grupi i Universitetit të Queen Mary në Londër. Analiza e të dhënave të tregon se kush do të jetë viti më produktiv në karrierën e një aktori apo aktoreje, dhe të vlerësojë me saktësi rreth 85% nëse karriera e tyre do të arrijë apo jo majat.
Sipas autorëve të studimit “l’annus mirabilis, ai më produktivi për aktorët, ndodh shumë shpesh në fillim të karrierës së tyre”.