Një ngjarje e rëndë është shënuar në zonën e Gramshit, ku një 53-vjeçar ka humbur jetën gjatë një eksplorimi në natyrë.
Sipas informacionit paraprak nga shërbimi zjarrfikës, ai ka rënë në Ujëvarën e Sotirës dhe ka ndërruar jetë në vend.
Menjëherë pas njoftimit, drejt zonës është nisur ekipi i MZSH-së për ndërhyrje dhe verifikim të situatës.
Gramsh/Informacion paraprak
Më datë 19.04.2026, rreth orës 12:45, tek Ujëvara e Sotirës, shtetasi R. Xh., 53 vjeç, banues në Durrës, i cili ushtronte aktivitet në transportin e vizitorëve për qëllime turistike drejt zonës, dyshohet se është rrëzuar aksidentalisht gjatë lëvizjes në këmbë dhe, për pasojë, ka humbur jetën.
Grupi hetimor po punon për zbardhjen e rrethanave dhe dokumentimin ligjor të rastit.