Kanë mbetur edhe më pak se 48 orë afat për zgjedhjen e presidentit të ri, por ende nuk ka asgjë konkrete në horizont.
Kryeministri i Kosovës, Albin Kurti, nuk është përgjigjur në pyetjen nëse do ta pranojë Vjosa Osmanin si kandidate për presidente.
Ai vazhdoi për në seancën që ishte paraparë në shenjë nderimi për akademikun Rexhep Qosjen.
Edhe ish-presidentja, Vjosa Osmani nuk ka pranuar të flasë për çështjen e presidentit.
LVV-ja kërkoi nga PDK-ja dhe LDK-ja tre emra për president, si propozim “konkret dhe përbashkues” për zgjidhjen e kësaj çështjeje që po rrezikon ta çojë vendin sërish në zgjedhje.
Kryetari i LDK-së, Lumir Abdixhiku ia paraqiti Albin Kurtit emrin e Vjosa Osmanit.
I kërkoi kryeministrit garanci se 66 deputetë të mazhorancës do ta votonin atë. Nuk ka pasur asnjë reagim nga VV.
Nesër është afati përfundimtar kushtetues për zgjedhjen e presidentit, nëse nuk ka asgjë konkrete atëherë automatikisht shpërbëhet parlamenti dhe vendi shkon në zgjedhje të reja.