Pakistani ka bërë të ditur se po shihen shenja përparimi në negociatat mes Shteteve të Bashkuara dhe Iranit, të cilat synojnë uljen e tensioneve në rajon.
Sipas zyrtarëve në Islamabad, bisedimet po zhvillohen në një klimë më konstruktive dhe ka lëvizje pozitive në çështje të ndjeshme, përfshirë situatën në Ngushticën e Hormuzit, një zonë kyçe për transportin e naftës në botë.
Megjithatë, nga ana tjetër, mediat amerikane raportojnë se situata mbetet e paqëndrueshme dhe tensionet nuk janë ulur plotësisht.
Në raportime të tjera thuhet se SHBA po shqyrton mundësinë e vendimeve të shpejta ushtarake nëse bisedimet nuk japin rezultat, ndërsa edhe Izraeli po ndjek nga afër zhvillimet dhe ka rritur gatishmërinë e tij.
Procesi mbetet ende i hapur, me shpresa për dialog, por edhe me rrezik për përshkallëzim në çdo moment.