Një 25-vjeçar është plagosur me thikë në Tiranë. Ngjarja ka ndodhur rreth orës 13.15 në rrugën “Frosina Plaku” të kryeqytetit.
Informacionet paraprake bëjnë të ditur se i riu është dërguar në spital dhe ndodhet jashtë rrezikut për jetën. Ndërkaq, policia është vënë në ndjekje të autorit.
INFORMACIONI PARAPRAK I POLICISE
Në rrugën “Frosina Plaku”, dyshohet se gjatë një konflikti për motive të dobëta shtetasi E.K, ka plagosur me mjet prerës shtetasin S.Gj, i cili ndodhet jashtë rrezikut për jetën
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
Shërbimet e Policisë po punojnë për kapjen e shtetasit E.K.