Një grua në të 70-tat e saj ishte plagosur teksa bënte hiking në malet e Phoenix në SHBA, ku është dashur ndërhyrja e helikopterit për ta transportuar në spital. Por jo gjithçka ka shkuar sipas planit.
Helikopteri është afruar afër tokës për të tërhequr të plagosurën por fatkeqësisht teksa e tërhiqte lart, ajo ka nisur të rrotullohej ashtu si helikat. Shefi i politëve në njësinë e mbështetjes nga ajri në Departamentin e Policisë së Phoenix tha në konferencë për shtyp se zakonisht pranë barelës vihet dhe një shkop i gjatë që shmang rrotullimin, por që këtë herë nuk funksionoi.
Pavarësisht këtij rreziku e plagosura u transportua në spital, për të marrë mjekimin e nevojshëm. Megjithatë ekspertët e fushës thonë se ky është një fenomen i njohur por kjo mbetet një ngjarje e rrallë pasi në 210 operacione shpëtimi në 6 vite në këtë zonë, kjo është hera e dytë që ndodh.