Deputetja Marjana Koçeku ka dalë publikisht pas vendimit të saj të së dielës për t’u larguar nga Grupi Parlamentar i Partisë Socialiste dhe për të vazhduar mandatin si deputete e pavarur.
Nëpërmjet një postimi në rrjetet sociale, Koçeku i’u përgjigj kritikëve brenda PS-së, duke mohuar akuzat se ka përvetësuar mandatin e partisë.
Më tej, deputetja hodhi një sfidë të drejtpërdrejtë ndaj socialistëve, duke u bërë thirrje të shkojnë në zgjedhje të parakohshme nëse janë të bindur se ajo nuk mund të fitojë pa mbështetjen e tyre.
“Nuk ua kam marrë mandatin e deputetit. Ma keni marrë ju mue, për 10 muej rresht. Tash mandati ka ardhë në vend të vet. Nëse jeni kaq të sigurt që unë nuk fitoj pa ju dhe ju i keni plot 83 mandate, atëherë shpërndajeni parlamentin, shkojmë në zgjedhje të parakohshme dhe masim forcat se kush fiton çka. Kësaj radhe do marr me vete kecin tim të shtrenjtë, bashkë me kmesën e mprehtë, dhe do zbres me kandidue në Tiranë. Para se të vij, ndoshta iu marr leje malësorëve të mi me e folë gjuhën standarde”, shkruan deputetja.