Një aksident rrugor ka ndodhur këtë të martë, rreth orës 14:50, në aksin “100 Vjetori” Vlorë–Panaja, në afërsi të rrethrrotullimit të Panajas.
Sipas të dhënave paraprake, automjeti i drejtuar nga Jakup Meleq është përplasur me motomjetin e drejtuar nga Bernhard Liske.
Si pasojë e përplasjes, drejtuesi i motorit është dërguar me autoambulancë në Spitalin Rajonal të Vlorës, ku po i jepet ndihma e nevojshme mjekësore. Raportohet se ai ka pësuar dëmtime të lehta, ndërsa pritet konfirmimi zyrtar nga mjekët për gjendjen aktuale shëndetësore.
Në vendngjarje kanë shpejtuar shërbimet policore, të cilat po punojnë për zbardhjen e plotë të rrethanave të aksidentit. Qarkullimi rrugor në zonë ka vijuar normalisht pas largimit të mjeteve të përfshira në përplasje.