Senati i Shteteve të Bashkuara ka dhënë miratimin përfundimtar për Eric Wendt, duke e konfirmuar zyrtarisht atë në postin e ambasadorit amerikan në Shqipëri.
Gjatë seancës votuese, kandidatura e Wendt mori 51 vota në favor dhe 47 kundër, duke siguruar shumicën e nevojshme për emërimin diplomatik.
Ky votim erdhi pas një faze paraprake, kur kandidatura e tij kishte marrë tashmë miratimin e komisionit përkatës në Senat, hap që i hapi rrugën votimit final në seancën plenare.
Me konfirmimin nga Senati, procesi zyrtar i emërimit të Wendt si ambasador i SHBA-së në Shqipëri konsiderohet i mbyllur. Ai pritet të mbërrijë në Tiranë dhe të marrë detyrën në ditët në vijim.
Përpara këtij emërimi diplomatik, Wendt ka një karrierë të gjatë në radhët e forcave ushtarake amerikane.