Kryetari i Partisë Demokratike, Sali Berisha, ka shprehur sot mbështetjen e plotë të kësaj force politike ndaj valës së protestave qytetare që vazhdojnë prej më shumë se dy javësh.
Kryedemokrati tha se të rinjtë dhe qytetarët shpërthyen në protesta të përmasave historike, akt që Berisha e cilësoi si shumë të drejtë.
“Kolonia e mahnitshme e habitateve të biodiversitetit të pasur bëri që të rinjtë dhe qytetarët e Tiranës dhe Shqipërisë të shpërthejnë në një protestë që në përmasat e saj nuk është parë kurrë në historinë e këtij vendi. Një protestë kaq masive dhe kaq e qëndrueshme. I tejkalon të gjitha protestat e tjera. Një protestë e drejtë, që po të marrim 3 elementët e saj të parë; brutalitetin ndaj qytetarit, ndaj komunitetit dhe mungesën e transparencës për një dosje që kishte të bënte me një peizazh të mbrojtur të vendit tonë. Në këtë kuadër, PD vendosi të mbështesë dhe respektojë në radhë të parë këtë protestë sepse kauza e saj ishte e drejtë”, tha Berisha.