Parlamenti Europian dha sot miratimin për rezolutën mbi raportin vjetor të Shqipërisë për vitin 2025, me 483 deputetë që votuan në favor, një rezultat që interpretohet si mbështetje e qartë politike për vazhdimësinë e procesit integrimit europian të vendit.
Raporti, i përgatitur nga raportuesi Andreas Schieder, kishte kaluar më herët edhe në Komisionin për Punët e Jashtme, ku mori 58 vota pro, përkundrejt 7 votave kundër dhe po kaq abstenimeve.
Gjatë debatit në seancë, Schieder dhe komisionerja europiane për Zgjerim, Marta Kos, theksuan progresin e bërë nga Shqipëria në rrugën e saj drejt anëtarësimit, duke vlerësuar si të arritshem objektivin për mbylljen e negociatave brenda vitit 2027, nëse vijon ritmi aktual i reformave.
Para votimit përfundimtar, eurodeputetët shqyrtuan dhe votuan një sërë amendamentesh të paraqitura nga grupe të ndryshme parlamentare. Disa nga këto amendamente lidheshin drejtpërdrejt me zhvillimet më të fundit në Shqipëri, përfshirë protestat kundër projektit turistik të planifikuar në zonën e Vjosë-Nartës dhe Sazanit