Kuvendi i Shqipërisë është përfshirë paraditen e sotme nga tensionet dhe përplasjet mes mazhorancës dhe opozitës.
Pas përgjigjeve e kundërpërgjeve të njëpasnjëshme, përfaqësuesit e Partisë Demokratike u ngritën dhe me pankarta në duar bllokuan foltoren, për të mos lejuar deputetët socialistë të mbajnë fjalën e tyre, ndërsa nuk munguan as ofendimet në drejtim të deputetit Ardit Bido.
Situata kaotike detyroi kryeparlamentarin Niko Peleshi që të kërkojë ndërprerje disaminutëshe të seancës plenare.
“Ndërpritet seanca, 5 minuta pushim”,-u shpreh Peleshi