Një autobus që po transportonte nxënës në kuadër të një ekskursioni shkollor është përfshirë në një aksident rrugor mesditën e kësaj të enjteje në aksin Elbasan–Metalurgji.
Sipas të dhënave paraprake, ngjarja ka ndodhur rreth orës 13:20. Dyshohet se autobusi, gjatë një manovre në lëvizje, është përplasur me një automjet tjetër dhe më pas ka dalë nga trajektorja, duke përfunduar pranë një karburanti.
Megjithëse aksidenti ka shkaktuar momente paniku te nxënësit që ndodheshin në autobus, fatmirësisht nuk raportohet për persona të lënduar.
Rrethanat e plota të ngjarjes janë duke u verifikuar nga autoritetet përkatëse.