Shërbimet e Komisariatit të Policisë Malësi e Madhe kanë goditur një rast të kultivimit të bimëve narkotike në kuadër të operacionit policor të koduar “Flagranca”.
Si rezultat i hetimeve dhe veprimeve të kryera në terren, në fshatin Ivanaj u zbuluan 306 bimë të dyshuara narkotike Cannabis Sativa, të cilat u asgjësuan me djegie.
Gjatë operacionit, policia arrestoi në flagrancë dy persona të dyshuar për kultivimin e këtyre bimëve. Në pranga ranë Nikoll Zabelaj, 40 vjeç, banues në Guci e Re, dhe Kin Plepi, 43 vjeç, banues në Grudë e Re.
Materialet procedurale i janë referuar Prokurorisë për veprime të mëtejshme.