Autoritetet ushtarake iraniane kanë njoftuar mbylljen e Ngushticës së Hormuzit, duke argumentuar se vendimi vjen si reagim ndaj asaj që Teherani e konsideron shkelje të armëpushimit nga Shtetet e Bashkuara dhe Izraeli.
Sipas agjencisë iraniane të lajmeve Mehr, Shefat e Shtabit të Përbashkët të Forcave të Armatosura deklaruan se bllokimi i kësaj rruge strategjike detare, e cila shërben për transportin e një pjese të konsiderueshme të naftës në botë, përbën fazën e parë të kundërpërgjigjes iraniane.
Në deklaratë thuhet se Teherani rezervon të drejtën për të ndërmarrë masa të tjera nëse vijojnë, sipas tij, shkeljet e armëpushimit dhe veprimet ushtarake të cilat bien ndesh me memorandumin e mirëkuptimit të arritur më herët.