Një aksident i rëndë rrugor ka ndodhur rreth orës 04:30 në segmentin Lezhë–Mabë, ku janë përfshirë një kamion dhe një automjet.
Sipas të dhënave paraprake, kamioni është përplasur me një automjet që drejtohej nga një shtetas shqiptar nga Kosova.
Si pasojë e përplasjes së fortë, drejtuesi i automjetit ka humbur jetën në vendin e ngjarjes. Ndërkohë, motra dhe djali i tij janë transportuar drejt Spitalit të Traumës për trajtim mjekësor. Sipas burimeve zyrtare, gjendja e tyre është e stabilizuar dhe ndodhen jashtë rrezikut për jetën.
Pas aksidentit, drejtuesi i kamionit është shoqëruar në Komisariatin e Policisë së Lezhës, ku po kryhen procedurat e nevojshme për sqarimin e plotë të ngjarjes.
Në vendngjarje ndodhet grupi hetimor, i cili po punon për të përcaktuar shkaqet dhe rrethanat që çuan në këtë aksident fatal