Një aksident rrugor është regjistruar në aksin Lushnjë–Berat, në zonën e Fiersheganit, ku një automjet tip “Golf”, me gjashtë persona në bord, është përmbysur.
Sipas drejtuesit të mjetit, i cili po udhëtonte në drejtim të Beratit, korsia e tij është bllokuar nga një mjet që vinte përballë. Në përpjekje për të shmangur përplasjen, ai ka devijuar djathtas, duke u përplasur fillimisht me një automjet të parkuar dhe më pas mjeti është përmbysur.
Si pasojë e aksidentit kanë mbetur të lënduar të gjashtë personat që ndodheshin në automjet, mes tyre edhe tre fëmijë. Të plagosurit janë transportuar në spital, ku sipas burimeve mjekësore ndodhen në gjendje të stabilizuar dhe jashtë rrezikut për jetën.
Policia po punon për zbardhjen e plotë të rrethanave të aksidentit.