Kryeministri Edi Rama ka komentuar incidentet e ndodhura para Kuvendit, ku protestues hodhën vezë në drejtim të automjeteve të deputetëve dhe u përplasën me forcat e policisë.
Gjatë një bashkëbisedimi me pensionistët, Rama bëri dallimin mes protestuesve paqësorë dhe atyre që, sipas tij, ushtrojnë dhunë ndaj institucioneve.
“Kur shkon atje një grup për të ushtruar presion fizik ndaj deputetëve, jemi në rrethana të tjera. Ata nuk janë flamingo. Flamingot janë paqësorë. Sorrat dhe korbat janë të dhunshëm. Flamingot do t’i trajtojmë me shumë respekt. Me sorrat dhe korbat nuk kemi çfarë bëjmë fare. Në fund ata do të jenë përsëri të humbur. Do të shpërndahen kokrra-kokrra”, deklaroi kryeministri.